సీఎం పోస్ట్

రాష్ట్ర ప్రక్రియ వేగవంతం అవుతున్న తరుణంలో సీఎం పోస్ట్ కోసం కాంగ్రెస్ పార్టీ సీనియర్ నేతలు ప్రయత్నాలు ముమ్మరం చేసారు. తెలంగాణ, సీమాంధ్ర నేతలు  కొంత మంది కొత్త రాష్ట్రంలో ముఖ్యమంత్రి కావాలని భావిస్తున్నారురాష్ట్ర విభజనపై తెలంగాణ, సీమాంధ్ర కాంగ్రెస్ నేతల వాదనలు ఎలా ఉన్నా... చివరికి కాంగ్రెస్ అధిష్టానం, కేంద్ర ప్రభుత్వం తీసుకునే నిర్ణయానికి తలవంచక తప్పని పరిస్థితి. ఇలాంటి పరిస్థితుల్లో రాష్ట్ర విభజన అనివార్యమని నేతలు ఒక నిర్ణయానికి వస్తున్నారు. జనవరి నాటికి రెండు రాష్ట్రాలు ఖాయమంటున్న తరుణంలో సీఎం పోస్ట్ ను దక్కించుకునేందుకు తెలంగాణ, సీమాంధ్ర కాంగ్రెస్ నేతలు అధిష్టానం చుట్టూ ప్రదక్షిణలు చేస్తున్నారుకొత్తగా ఏర్పడబోయే 29వ రాష్ట్రానికి ముఖ్యమంత్రి కావాలని తెలంగాణ నుంచి పలువురు నేతలు ప్రయత్నిస్తున్నారు. వీరిలో ప్రముఖంగా సీనియర్ మంత్రి జానారెడ్డి, డిప్యూటీ సీఎం దామోదర రాజనర్సింహ, మాజీ పీసీసీ చీఫ్ డి శ్రీనివాస్ తో కేంద్ర మంత్రి ఎస్ జైపాల్ రెడ్డి పేర్లు వినిపిస్తున్నాయి.  సీమాంధ్ర నుంచి పీసీసీ చీఫ్ బొత్స సత్యనారాయణ, మంత్రులు ఆనం రామనారాయణరెడ్డి, రఘువీరారెడ్డి, కన్నా లక్ష్మీనారాయణ, కేంద్ర మంత్రి పురంధరేశ్వరి పోటీ ఉన్నారని తెలుస్తోంది. ఈ నేతలంతా ఎవరికి వారుగా అధిష్టానం వద్ద తమకున్న పలుకుబడితో పావులు కదుపుతున్నారు. మరి అధిష్టానం మాత్రం ఎవరికి పట్టం కడుతుందో వేచిచూడాలి.