తాజా వార్తలు

రాష్ట్ర విభజన విషయంలో కేంద్ర ప్రభుత్వం రోజురోజుకూ దూకుడు పెంచుతోంది. విభజన వద్దంటూ సీమాంధ్ర ప్రజలు ఎంతగా గగ్గోలు పెడుతున్నా... ప్రతికూల పరిస్థితులు ఎదురవుతున్నా... ఎక్కడా తగ్గడం లేదు. ఎవరేమనుకుంటే లేక్కేమిటి అన్నట్టుగా.... తాను అనుకున్నది తాను చేసుకుపోతోంది. కోస్తా జిల్లాలు భారీ వర్షాలు, వరదలతో తల్లడిల్లుతోంటే... నష్టం అంచనాకి కేంద్ర బృందాన్ని పంపించాల్సింది పోయి... విభజన కోసం టాస్క్ ఫోర్స్ ని పంపించింది. ఏదెలా ఉన్నా తనకు విభజనే ముఖ్యమన్నట్టుగా వ్యవహరిస్తోంది. ఇలా జీవోఎం... తనపని తాను చేసుకుపోతోంటే... కేంద్ర హోం శాఖ టాస్క్ ఫోర్స్ కమిటీ హైదరాబాద్ వచ్చింది.  విభజన అనంతరం రక్షణ, శాంతి, భద్రతలు తదితర అంశాలపై క్షేత్ర స్థాయిలో అధ్యయనం చేపట్టింది. తొలిరోజు సమావేశంలో ఉన్నతాధికారులు, మాజీ డీజీపీలు హాజరయ్యారు. రాష్ట్ర విభజన తర్వాత ఎదురయ్యే శాంతి భద్రతల సమస్యలపై ఈ బృందం చర్చలు జరిపింది. పోలీసు సిబ్బందిని ఎక్కడెక్కడ ఎంతమందిని ఉంచాలి.... ఆస్తుల పంపిణీ ఎలా అనే సమాచారాన్ని కూడా హోం శాఖ టాస్క్‌ఫోర్స్‌ కమిటీ సేకరిస్తోంది. ఈ బృందం గురువారం మధ్యాహ్నం మరోసారి భేటీ అవుతుంది.

కేంద్రమంత్రి చిరంజీవి. రాష్ట్ర విభజన ప్రకటన తర్వాత ప్రజలకు, మీడియాకు వీలైనంత దూరాన్ని మెయింటెయిన్ చేస్తున్న లీడర్.  అంతా మనకు నచ్చినట్లుగా జరగదు కదా ! విధి ఆయన్ని వీధుల్లోకి వచ్చేలా చేసింది. ఇటీవల భారీ వర్షాలు రాష్ట్రాన్ని ముంచేయడంతో తీర రైతులు, ముఖ్యంగా తీర ప్రాంత ప్రజలు బాగా నష్టపోయారు. బాధితులని పరామర్శించాలనుకున్నారో లేకపోతో ఇప్పుడు కూడా వెళ్లకపోతే మళ్లీ మొహం చూపించలేమనుకున్నారో కాని అంతే....చిరు సారు వారు సీమాంధ్రలో వాలిపోయారు. ఓదార్పకు బయల్దేరారు తూర్పుగోదావరి జిల్లాలో జరిగింది చిన్నపాటి ప్రమాదం కాబట్టి మెగాస్టార్ పెద్దగా ట్టించుకోలేదు. శ్రీకాకుళం జిల్లాలో మాత్రం ప్రమాదాన్ని మించిన ఘోర పరాభవం అంతకు మించిన అవమానం ఎదురయ్యాయి. ఒకప్పుడు పూలవర్షం కురిపించిన ఆ ప్రాంతప్రజలు ఈ సారి రాళ్ల జల్లు కురిపించారు. పొంగుకొస్తున్న ఆవేశాన్ని బయటపెట్టలేక... చిరునవ్వు చిందిస్తూ అక్కడి నుంచి ఏం చక్కా చెక్కేశారు మెగాస్టార్. ఇక్కడా చిరుకు ఎదురు పరామర్శలే ఎదురవడంతో  కన్నీళ్లు  తుడుద్దామని వచ్చిన తననే.... పరిస్థితులు కన్నీళ్లు పెట్టిస్తున్నాయని ఫీలయ్ ఉంటారు పాపం

తూర్పుగోదావరి జిల్లాలో 30 లక్షల ఎకరాల పంట నష్టపోయిందని టీడీపీ అధినేత చంద్రబాబు అన్నారు. పంట నష్టంపై ప్రభుత్వం ఇంకా అంచనాకు రాలేకపోయిందని, ప్రకృతి వైపరిత్యాలను గుర్తించడంలో ప్రభుత్వం విఫలమైందని చంద్రబాబు విమర్శించారు. తూర్పుగోదావరి జిల్లాలో పర్యటిస్తున్న చంద్రబాబు టీడీపీని దెబ్బతీయటానికే రాష్ట్ర విభజన ప్రకటన చేశారని మండిపడ్డారు.

ఎన్నో ఏళ్ళుగా ఎదిరుచూస్తున్న రోజు రానేవచ్చింది. ఎప్పుడెప్పుడు బాబ్లీ ప్రాజెక్ట్లు గేట్లు దించాలని ఎదిరచూస్తున్న మహారాష్ట ప్రభుత్వం కల పండబోతుండగా...తెలంగాణా ప్రజల గుండె జారిపోతోంది. సుప్రీంకోర్టు తీర్పు ఆధారంగా...మహారాష్ట్ర ప్రభుత్వం శ్రీరాంసాగర్ బ్యాక్ వాటర్లో నిర్మించిన బాబ్లీ ప్రాజెక్ట్ గేట్లు దించబోతోంది.

బీహార్లో తొలిసారి అడుగుపెట్టిన నరేంద్ర మోడీకి వరస బాంబు పేలుళ్లు స్వాగతం పలికాయ్. యూపీలో జరిగిన మత ఘర్షణలకు వ్యతిరేకంగానే పేలుళ్లు జరిపామని పట్టుబడ్డ వారు చెబుతున్నప్పటికీ.. హుంకార్ సభలో పాల్గొందామని వచ్చిన మోడీనే తీవ్రవాద సంస్థలు టార్గెట్ గా చేసుకొన్నాయని.. విధ్వంసం వెనక ఇండియన్ ముజాహిద్దీన్ హస్తమున్నట్లు నిఘా వర్గాలు చెబుతున్నాయ్. మోడీ సభను భగ్నం చేయడానికి.. విధ్వంసం సృష్టించడానికి కుట్ర పన్నిన తీవ్రవాదులు తమ లక్ష్యాన్ని చాలా పక్కగా అమలు చేశారు. ఉదయం పదిన్నరకు గాంధీ మైదానానికి రెండు కిలోమీటర్ల దూరంలోని రైల్వే స్టేషన్లో తొలి బాంబు పేలుడు. ఆ తర్వాత కొద్దిసేపటికి.. గాంధీ మైదాన్‌కు కూతవేటు దూరంలోని ఎలిఫిస్టన్ థియేటర్ వద్ద పేలుడు. ఆ తర్వాత కొద్దిసేపటికి గాంధీ మైదాన్ వద్దే. నరేంద్ర మోడీ గాంధీ మైదాన్‌కు వచ్చేసరికి మొత్తం ఆరు పేలుళ్లు. అన్నీ గాంధీ మైదాన్ సమీపంలోనే. దీంతో టార్గెట్ మోడీ అని చాలా క్లియర్ గా తేలిపోయింది. బాంబుల తీవ్రత తక్కువే మోడీ సభ రోజే పేలుళ్లు ఎలా జరిగాయబ్బా అని దిగ్విజయ్ సింగ్ లాంటి వారు వెటకారాలు చేసినా.. పేలుళ్ల వెనక ఎవరో హస్తముందని బీహార్ ప్రభుత్వ పెద్దలు అనుమానాల...

రాష్ట్ర విభజన అంశం సీమాంధ్ర కాంగ్రెస్ నేతల ఉనికికే ప్రశ్నార్థకంగా మారింది. వ్యక్తిగతంగా 80 శాతం మంది నేతలు రాష్ట్ర సమైక్యతనే కోరుకుంటున్నా... కాంగ్రెస్ పార్టీ హైకమాండ్ నిర్ణయం ఈ నేతలకు శాపంగా మారింది. కొందరు ముఖ్యనేతలతో ముందుగానే ఒక ఒప్పందంతో రాష్ట్ర విభజనపై కాంగ్రెస్ అధిష్టానం నిర్ణయం తీసుకుంది. అదే ఇప్పడు సీమాంధ్ర కాంగ్రెస్ నేతలందరికీ శాపంగా మారింది. పార్టీలో ఉన్నందుకు తమ వ్యక్తగత నిర్ణయం కాకపోయినా... తాము విభజనలో బాధ్యులుగా మారి తమ వ్యక్తిగత భవిష్యత్తును కోల్పోవాల్సిన పరిస్థితిని కాంగ్రెస్ హై కమాండ్ కల్పించిందని ఆవేదన వ్యక్తం చేస్తున్నారు. చేయని పనికి తాము ఎందుకు ఇబ్బంది పడాలని ప్రశ్నిస్తున్నారు.విభజనపై అధిష్టానం దూకుడు పెంచడంతో సీమాంధ్రలో కాంగ్రెస్ పూర్తిగా బలహీనపడిపోగా, వైసీపీ, టీడీపీ పుంజుకుంటున్నాయి. దీంతో ఎన్నో ఏళ్లుగా రాజకీయ జీవితాన్ని కొనసాగిస్తున్న తమకు ఇప్పుడు ఇలాంటి పరిస్థితులు ఎదురవడం దారుణమంటున్నారు సీమాంధ్ర కాంగ్రెస్ నాయకులు. అటు పార్టీలో కొనసాగలేక..ఇతర పార్టీల్లోకి వెళ్లలేక సతమతమవుతున్నారు. సీమాంధ్రలో పార్టీ చతికిలపడటంతో తీవ్ర ఒత్తిళ్లకు లోనవడంతోనే హైకమాండ్ పై ధిక్కార...

భారీ వర్షాలు, వరదలతో కోస్తా జిల్లాలు అల్లాడుతోంటే... పరామర్శల పేరుతో రాజకీయ లబ్ధి కోసం ప్రధాన పార్టీలు ప్రయత్నిస్తున్నారు. బాధిత ప్రాంతాల్లో పర్యటిస్తున్న పార్టీల నేతలు... బాధితులకు మేమున్నామనే ధైర్యం కల్పించాల్సింది పోయి.... అక్కడ కూడా వైరి పక్షాలపై విమర్శల బాణాలు ఎక్కుపెడుతున్నాయి. ఫైలిన్ తుపాను సృష్టించిన బీభత్సం ఓ వైపు... ఆ వెంటనే ముంచుకొచ్చిన భారీ వర్షాలు మరోవైపు.... సీమాంధ్రలో తీరని నష్టాన్ని మిగిల్చాయి. చేతికందాల్సిన పంట నీళ్ళపాలవడంతో దిక్కుతోచని స్థితిలో రైతన్నలు అల్లాడుతోంటే... సర్వం కోల్పోయి పునరావాస శిబిరాల్లో తలదాచుకుంటున్న అభాగ్యులు... ఆపన్న హస్తం కోసం ఆశగా చూస్తున్నారు. తమ ప్రాంతానికి చెందిన ప్రజా ప్రతినిధులు, తామిచ్చిన ఓట్ల బలంతో అధికార పీఠాన్ని అధిష్టించి....... రాజ్యమేలుతున్న అధికార పార్టీ ఈ కష్టకాలంలో తమని ఆదుకుంటుందని ఆశిస్తున్నవారికి.. అణువంత భరోసా కూడా లభించడం లేదు. ఆపత్కాలంలో మేమున్నామంటూ మందుకు వచ్చి.... వీలైనంతగా ఆదుకోవాల్సిన రాజకీయ పార్టీలు, ఆ పార్టీల నేతలు దీనికి భిన్నమైన రీతిలో వ్యవహరిస్తున్నారు. పరామర్శల పేరుతో జనంలోకి వెళుతున్న నేతలు... బురద రాజకీయాలకు పాల...

రాష్ట్ర విభజన నేపథ్యంలో రాష్ట్రంలో శాంతి భద్రతలపై ఐదుగురు సభ్యులతో కూడిన టాస్క్‌ఫోర్స్ బృందాన్ని కేంద్రం నియమించింది. ఈ బృందానికి తమిళనాడుకు చెందిన ఐపీఎస్ అధికారి కె. విజయ్ కుమార్ నేతృత్వం వహిస్తున్నారు. కాగా ఈ కమిటీలో రాష్ట్రానికి చెందిన ఇద్దరు అధికారులు ఉన్నారు. సభ్యులుగా రిటైర్డ్‌ డీజీపీ ఏకే మహంతి, ఐపీఎస్‌ జేవీ రాముడు, కేంద్ర తరపున ఐఏఎస్‌ రాజీవ్‌శర్మ, ఐపీఎస్‌ వాసన్‌లు ఉన్నారు. వీరు ఐదుగురు సభ్యులతో కూడిన కమిటీ మంగళవారం హైదరాబాద్ చేరుకుంటుంది.

తెలంగాణ రాష్ట్ర సమితి పార్టీ జనాల్లోకి వెళ్లేందుకు సిద్దమవుతోంది. ఈ సమయంలో జగన్ తో మ్యాచ్ ఫిక్సింగ్ చేసుకుందన్న విమర్శలు రావడం ఆ పార్టీ నేతలకు అస్సలు రుచించడం లేదు. ఈ విషయంలో మౌనంగా ఉంటే...దానిని అంగీకరించినట్టవుతుందనే భావనతో వెంటనే ఈ వివాదంపై నోరు విప్పారు. తమకు జగన్ తోగానీ, సీమాంధ్ర పార్టీలతోగానీ ఎట్టి పరిస్థితుల్లో మ్యాచ్ ఫిక్సింగ్ ఉండే అవకాశం లేదని స్పష్టం చేశారు.

వైసీపీ నిర్వహించిన సమైక్య శంఖారావం సభ ప్రశాంతంగా ముగియడంతో పోలీసులు ఊపిరి పీల్చుకున్నారు.. అక్కడక్కడ చదురుముదురు ఘటనలు మినహా సభ ప్రశాంతంగా జరిగింది.  సభ జరిగే సమయంలో నిజాం హాస్టల్ విద్యార్ధులు ఆందోళనకు దిగడంతో.. కట్టుదిట్టమైన భద్రతతో నిరసనకారుల్ని బయటకిరాకుండా కట్టడి చేశారు.సమైక్య శంఖారావం సభ  సాఫీగా సాగడంతో.. పోలీసులు ఊపిరిపీల్చుకున్నారు. పోలీస్ నిఘా నీడలో సభ సజావుగా ముగిసింది.. సభ జరిగే సమయంలో పోలీసులు కట్టుదిట్టమైన భద్రత ఏర్పాటు చేశారు.. సభకు 3300 మంది పోలీసులు పహారా కాశారు.. ఇందులో 34 ప్లాట్లూన్ల ఏపీఎస్పీ, 16 కంపెనీల కేంద్ర సాయుధ బలగాలు, 1800 మంది సివిల్ పోలీసులు ఉన్నారు.  ఎల్బీ స్టేడియం పరిసర ప్రాంతాలను  ఆధీనంలోకి తీసుకుని అనుమానాస్పద వ్యక్తుల పైన నిఘా పెట్టారు.సిసి కెమెరాల ద్వారా ఉన్నతాధికారులు  సభలోకి వెళ్ళే వారిని పర్యవేక్షించారు.  తెలంగాణ వాదులను గుర్తించి వారి అదుపులోకి తీసుకున్నారు.. సభలో కొంత మంది తెలంగాణ వాదులు జై తెలంగాణ నినాదాలు చేయడంతో పోలీసులు అప్రమత్తమై వారిని అరెస్ట్ చేశారు... సభ జరిగే సమయంలో నిజాం హాస్టల్ విద్యార్ధులు ఆందోళన చేశారు.. వా...

ఇటీవల కాలంలోని పరిణామాలు చూస్తుంటే...కేసిఆర్, జగన్ ల మధ్య ఉన్న సంబంధాలపై అనేక అనుమానాలకు తావిస్తున్నాయి. తెలంగాణకు వ్యతిరేకమైన సమైక్యాంధ్ర నినాదాన్ని చంద్రబాబు కంటే జగన్ గట్టిగా వినిపిస్తున్నా...కేసిఆర్ మాత్రం జగన్ కాకుండా చంద్రబాబును ఎక్కువగా టార్గెట్ చేస్తున్నారు. అదే సమయంలో సమైక్యంగా ఉండాల్సిన ఆంధ్రప్రదేశ్ రాష్ట్రం ఈ రోజు ముక్కలు కావడానికి చంద్రబాబు కంటే కేసిఆర్ ఎక్కువ కారణమైతే...సమైక్యాంధ్ర కోరుకునే జగన్ కేసిఆర్ ను వదిలి బాబుపై మండిపడుతున్నారు. తమ సిద్దాంతాలకు విరుద్దమైన వ్యక్తులను ఒకరినొకరు విమర్శించుకోకుండా మధ్యలోని వ్యక్తులపై ఈ ఇద్దరు నాయకులు మాట్లాడడంపై వీరిమధ్య ఏమైనా అవగాహన ఒప్పందా ఉందా అనుమానాలను బలపరుస్తోంది.తెలంగాణ నడిబొడ్డున ఉన్న హైదరాబాద్ లో సభ పెట్టడానికి ఏపీఎన్జీవోలు సంసిద్దమైతే టిఆర్ఎస్, టీజేఏసీ తీవ్రంగా విరుచుకుపడ్డాయి. సభ పెట్టడానికి వీలు లేదని, అనుమతులిస్తే తీవ్ర పరిణామాలుంటాయని హెచ్చరించాయి. చివరకు సభకు అనుమతి లభించడంతో ముఖ్యమంత్రి కిరణ్ కుమార్ రెడ్డి సమైక్య సభకు చైర్మన్ గా వ్యవహరిస్తున్నారంటూ, ఆయన తీరుకు నిరసన పేరుతో తెలంగాణ బంద్ కు పిలుపునిచ్చి, నిరసన వ్యక్తం చే...

రాష్ర్ట విభజనకు బ్రేక్‌ పడటానికి రెండు అవకాశాలు ఉన్నాయని సీమాంధ్ర ప్రజలు ఇంకా  ఆశతో ఉన్నారు. ఒకటి సర్వోన్నత న్యాయస్థానమైన సుప్రీం కోర్టు.. మరోకటి సర్వసైనాధ్యక్షుడైన రాష్ర్టపతి. వీరిద్దరు తలచుకుంటే విభజనలో మరింత జాప్యం జరిగే అవకాశం ఉంది. రాజ్యాంగ పరమైన తప్పిదాలు ఉంటే కోర్టులు కేంద్రాన్ని ప్రశించవచ్చు. అలాగే రాష్టప్రతి కూడా తిప్పిదాలు, న్యాయపరమైన చిక్కులు ఉన్నప్పుడు పునఃపరిశీలన చేయాలని కేంద్రాన్ని కోరవచ్చు. రాష్ట్ర విభజనలో తప్పిదాలను ఎంచుతూ సర్వోన్నత న్యాయస్థానాన్ని కొన్ని రాజకీయ పార్టీలు, వ్యక్తులు కూడా ఆశ్రయించాయి. ఈ సందర్భంలో కోర్టులు ప్రక్రియను పరిశీలించి కౌంటరు దాఖలు చేయాలని కోరవచ్చు. అయితే ప్రక్రియ కేంద్రం చేతులో ఉండగానే కోర్టులు జోక్యం చేసుకోవాలి. పార్లమెంటు వరకు వెళ్లితే ఇక ప్రశ్నించే అధికారం కోర్టులు కూడా కోల్పోతాయి.విభజనలో చాలా లోపాలు ఉన్నాయనేది ప్రతిపక్షపార్టీలు, పాలకపక్షానికి చెందిన నేతలు, న్యాయనిపుణులు, వివిధ రంగాలకు చెందిన వ్యక్తులు కూడా తప్పుపడుతున్నారు. ఆర్టికల్‌ 3 ప్రకారం కేంద్రం ఒక రాష్ట్రాన్ని విభజిస్తూ నిర్ణయం తీసుకోవచ్చు. పార్లమెంటులో బిల్లును తీసుకువచ్చి సాధారణ...

ఢిల్లీ, రాజస్థాన్, మధ్యప్రదేశ్‌, ఛత్తీస్‌గఢ్, మిజోరాంలో ఎన్నికల సందడి మళ్లీ మొదలైంది. ఐదు రాష్ట్రాల్లో ఎన్నికల నగారా మోగింది. ఆయా రాష్ట్రాల్లో అసెంబ్లీ ఎన్నికల షెడ్యూల్‌ విడుదలైంది. ఈ ఎన్నికల్లోనే తిరస్కార ఓటు హక్కు కూడా అమలులోకి రానుంది. ఐదు రాష్ట్రాల ఎన్నికలు నవంబర్‌ 11 నుంచి ప్రారంభమై డిసెంబర్‌ 4న ముగియనున్నాయి. ఛత్తీస్‌గఢ్‌ నక్సల్స్ ప్రభావిత ప్రాంతం కావటంతో రెండు దశల్లో ఎన్నికలు నిర్వహిస్తారు. ఛత్తీస్‌గఢ్‌లో మొదటి దశ ఎన్నికలు నవంబర్‌ 11న, రెండవ దశ ఎన్నికలు నవంబర్‌ 19న జరుగనున్నాయి. మధ్యప్రదేశ్‌లో నవంబర్‌ 25న, రాజస్థాన్‌లో డిసెంబర్‌ 1న, ఢిల్లీ మిజోరాంలో డిసెంబర్‌ 4న ఎన్నికలు జరుగనున్నాయి. ఐదు రాష్ట్రాల్లో డిసెంబర్‌ 8న ఎన్నికల కౌంటింగ్‌ జరుగుతుంది.ఎన్నికలు జరుగుతున్న ఐదు రాష్ట్రాల్లో మొత్తం 11 కోట్ల మంది ఓటర్లు ఉన్నారు. మధ్యప్రదేశ్‌లో 230 అసెంబ్లీ స్థానాలు, రాజస్థాన్‌లో 200, ఛత్తీస్‌గఢ్‌లో 90, ఢిల్లీలో 70, మిజోరాంలో 40 అసెంబ్లీ స్థానాలకు ఎన్నికలు జరుగనున్నాయి.సుప్రీంకోర్టు ఇటీవల వెలువరించిన తీర్పునకు అనుగుణంగా నచ్చని అభ్యర్థులను తిరస్కరించే హక్కును మొట్టమొదటిసారిగా ఈ ఎన్నికల్లో ఓటర...

కుండపోతతో కుదేలవుతున్న రాష్ట్ర ప్రజలకు వాతావరణ శాఖ మరో హెచ్చరిక జారీ చేసింది.  వరుణుడి ప్రతాపం మరో 48 గంటలు ఉంటుందని ప్రకటించింది. గత నాలుగు రోజులుగా కురుస్తున్న వర్షాలతో ఇప్పటికే అన్నదాతల ఆశలు ఆవిరైపోయాయి. సామాన్యుల జీవనం ఛిన్నాభిన్నమైంది. వాతావరణ శాఖ తాజా హెచ్చరికతో కోస్తావాసుల గుండె చెరువవుతోంది. రానున్న 48 గంటల్లో కోస్తా ఆంధ్రలో అధికప్రాంతాల్లో 25 సెంటీమీటర్ల కన్నా ఎక్కువ వర్షపాతం నమోదయ్యే అవకాశముందని వాతావరణ శాఖ పేర్కొంది. తెలంగాణ, రాయలసీమల్లోనూ భారీ నుంచి అతి భారీ వర్షాలు పడే అవకాశముందని హెచ్చరించింది. పంటను దక్కించుకోడానికి వాన కోసం ఆకాశం వైపు చూసే రైతన్నపై.. ఆ వానే పిడుగులా పడింది. ఈ ఖరీఫ్ సీజన్‌లో పంటల పరిస్థితి బాగుందనుకుంటున్న దశలో అశనిపాతంలా రైతును వర్షం ముంచేసింది. వ్యవసాయ శాఖ సేకరించిన ప్రాథమిక సమాచారం ప్రకారం గత నాలుగు రోజులుగా కురుస్తున్న భారీ వర్షాలకు 15 జిల్లాల్లోని 287 మండలాల్లో 10,72,110 ఎకరాల మేరకు వివిధ పంటలు నీట మునిగాయి. రాష్ట్ర వ్యాప్తంగా భారీ వర్షాలు కొనసాగుతున్న నేపథ్యంలో పంట ముంపు విస్తీర్ణం ఇంకా పెరుగుతోంది. భారీ వర్షాలకు ముఖ్యంగా గుంటూరు, ప్రకా...

తెలంగాణా ప్రకటన తర్వాత రాష్ట్రము లో అల్లకల్లోలం  నెలకొంది . ఇటు సమిఖ్యవాదులు డెబ్బై రోజులు సమ్మె చేసారు . కానీ ఎలాంటి ప్రయోజనం లేదు. ఇది ఒక రాజకీయ విభజనగా చాల మంది భావిస్తున్నారు .ఎన్నికలు రానున్నన తరుణంలో ఎలాంటి ప్రకటన చేయటం ఈ వాదనకు భలం చేకూరుతుంది. అటు సమిఖ్యవాధులను ఇటు తెలంగాణా వాదులతో చర్చలు జరిపి అందరికి ఆమోదయోగ్యంగా ఒక నిర్ణయం తీసుకుంటే రాష్ట్రంలో ప్రరిస్తితులు చక్కబడుతాయి