టీభేటీలతో హస్తినలో వేడి

వరుస టీభేటీలతో హస్తినలో విభజన వేడెక్కింది. డిసెంబర్ మూడున టీ బిల్లు కేబినెట్ ముందుకు రానున్నా కీలకాంశాలపై తర్జనభర్జన సాగుతూనే ఉంది. శీతాకాల సమావేశాల్లో టీ బిల్లు ప్రవేశపెట్టడం కష్టమని పార్లమెంట్ వ్యవహారాల మంత్రి కమల్ నాధ్ స్పష్టం చేసినా అగ్రనేతలు మాత్రం ఆఘమేఘాలపై టీ బిల్లును ప్రవేశపెట్టాలని భావిస్తున్నారు. దీనిపై ప్రధాని నివాసంలో జరిగిన కోర్ భేటీలో వాడివేడి చర్చ జరిగింది.
 టెన్ జన్ పధ్, రేస్ కోర్స్ రోడ్, నార్త్ బ్లాక్...ఇలా హస్తిన అధికార కేంద్రాల్లో విభజన చర్చలు వాడివేడిగా సాగాయి. పార్లమెంట్ శీతాకాల సమావేశాల్లోనే టీబిల్లు ప్రవేశపెట్టేలా కేంద్ర పెద్దలు టీ ఎక్సర్ సైజ్ ను ముమ్మరం చేశారు.  ఈ క్రమంలో శుక్రవారం ఉదయం
 దిగ్విజయ్ సింగ్ జీవోఎం నివేదికలో కీలకంగా వ్యవహరిస్తున్న జైరాం రమేష్ తో భేటీ అయ్యారు. గత జీవోఎం భేటీలో హైదరాబాద్ పై షిండేకు తనకూ ఏకాభిప్రాయం కుదరని నేపథ్యంలో ఆ విషయాలను డిగ్గీ రాజా జైరాంతో చర్చించారు. వివాదాస్పద అంశాలపై ఇరు ప్రాంతాలను మెప్పించేలా నివేదికకు తుదిమెరుగులు దిద్దడంపై ఇరువురూ చర్చించనట్లు తెలిసింది. అయితే జైరాంతో చర్చలను తాను వెల్లడించలేనని దిగ్విజయ్ చెప్పారు.అనంతరం డిప్యూటీ సిఎం దామోదర రాజనర్సింహ దిగ్విజయ్ తో భేటీ అయ్యారు. తమకు హైదరాబాద్ తో కూడిన పదిజిల్లాల తెలంగాణ కావాలని దిగ్విజయ్ ను కోరారు. రాయల తెలంగాణకు అంగీకరించమని స్పష్టం చేశారు. మరోవైపు జీవోఎం సభ్యులు జైరాం రమేష్, షిండే అధినేత్రి సోనియానుకలిసి జీవోఎం నివేదిక వివరాలను  చర్చించారు. సాయంత్రం ప్రధాని నివాసంలో జిరిగిన కోర్ కమిటీలో పూర్తిస్ధాయిలో సభ్యులు హాజరయ్యారు. ఈ సమావేశంలో పార్లమెంటరీవ్యవహారాల మంత్రి కమల్ నాధ్ ప్రత్యేక ఆహ్వానితుడుగా పాల్గొన్నారు. ఇక పార్లమెంట్ శీతాకాల సమావేశాల్లోనే టీబిల్లు ప్రవేశపెట్టాలని కోర్ కమిటీ సభ్యులు కమల్ నాధ్ కు తెలుపగా సాధ్యాసాధ్యాలపై వారు చర్చించారు. అయితే కమల్ నాద్ మాత్రం ఇప్పుడున్న షెడ్యూల్ ప్రకారం ఈ సీతాకాల సమావేశాల్లో టీబిల్లు తీసుకురావడం సాధ్యం కాదని అభిప్రాయంపడినట్లు తెలుస్తోంది. దాంతో కంగుతిన్న కోర్ కమిటీ సభ్యులు ఇది పార్టీ క్రెడిటిలిటీకి సంబందించిన సమస్యఅని శీతాకాల సమావేశాల్లోనే బిల్లు పెల్టాలని దానికి అనుగుణంగా ప్రత్యామ్నాయ మార్గాలు వెతకాలని కమల్ నాధ్్కు సూచించారు. తర్వాత కోర్ భేటీ నుంచి వెనుదిరిగిన కమల్ నాధ్. ఈ సెషన్ లో బిల్లు పెట్టడం సాధ్యం కాదని  చెప్పారుటీ ప్రక్రియను వేగవంతం చేసే క్రమంలో కేబినెట్ భేటీ 3వతేదీనే జరగాలని కోర్ కమిటీలో నిర్ణయించారు. రెండున జరిగే జీవోఎం చివరి భేటీలో జీవోఎం నివేదికకు ఆమోదముద్ర వేస్తారు. ఆ నివేదికను హోంశాఖకు అందచేస్తారు. మూడున జరిగే కేబినెట్ భేటీలోనే జీవోఎం రిపోర్ట్ను చర్చకు తీసుకురానుంది. అయితే జీవోఎం కూడా హైదరాబాద్ పై ఏదో ఒక నిర్ణయం తీసుకోలేకపోయింది. హైదరాబాద్ పై రెండు మూడు ఆప్షన్లు ఉంచినట్లు సమాచారం. హైదరాబాద్ రాజధానిగా పదిజిల్లాల తెలంగాణ ఇస్తూ సీమాంధ్రుల రక్షణ కోసం శాంతిభద్రతలు, విద్యుత్ , రెవిన్యూ, విద్యాఉద్యోగ తదితర అంశాలు గవర్నర్ చేతిలో పెట్టాలని ఒక ఆప్షన్ కాగా, హైదరాబాద్ ను కనీసం పదేళ్ల పాటు ఉమ్మడి రాజధానిగా ఉంచాలనేది మరో ఆప్షన్, ఇక రాయల తెలంగాణ అనేది చిట్టచివరి ఆప్షన్ గా జీవోఎం పేర్కొంది.  ఇక సీమాంధ్రకు ఓక రైల్వే జోన్ ఏర్పాటు చేయడం...ఈస్ట్ కోస్ట్ లో ఉన్న వాల్తేరు జోన్ ను ఆ జోన్ లోకి తేవడంతో సహా భారీ ప్యాకేజ్ లు సీమాంధ్రకు ప్రకటించడం, 37 పోలవరం ముంపు గ్రామాలు సీమాంధ్రలో కలపడం వంటి వివరాలను జీవోఎం నివేదికలో పొందుపరిచారు. మొత్తంమీద జీవోఎం సిఫార్సులపై కేబినెట్ ఎలాంటి నిర్ణయం తీసుకుంటుంది. మార్పు చేర్పులకు ఇంకా అవకాశం ఉంటుందా అనుకున్న సమయానికి పార్లమెంట్ కు బిల్లు వెళుతుందో లేదో ఇలాంటి ప్రశ్నలకు తెరపడాలంటే మరో వారం వరకూ వెయిట్ చేయాల్సిందే..